OOR ONS

Cachet Park CID het sy ontstaan in 2018 gemaak toe toegewyde inwoners, besigheidseienaars, skoolhoofde en -personeel en studente geglo het en deel geraak het van ŉ voorgestelde oplossing. Die missie is eenvoudig – verseker dat die omgewing – waarbinne o.a. die Bult as hartklop van Potchefstroom gesetel is – skoongehou word van alle ongewenste elemente. Aan die stuur van sake was oud Visiekansellier van die NWU, Potchefstroomkampus, Professor Fika Janse van Rensburg.

Cachet Park CID is ŉ nie-winsgewende organisasie met die primêre doel om die bepaalde afgebakende gebied skoon, veilig en netjies te hou. Die stigterslede, JB Marks munisipaliteit en die NWU, Potchefstroomkampus, het die ontstaan van hierdie maatskappy moontlik gemaak.

Sedertdien vind befondsing deur vrywillige ledebydraes en donasies plaas.

Dienste

Dienste wat permanent deur Cachet Park CID aan sy lede gelewer word is:

Beveiliging van die omgewing d.m.v. 24/7 CCTV kamera monitering, wagte, patrollies en ŉ toegewyde reaksievoertuig.
Vullisverwydering en herwinning.
Skoonmaak- en grassnydienste van gemeenskaplike areas, parke en sypaadjies.

Die span agter die skerms is ŉ voorbeeld van hoe saamwerk en harde werk, kan lei tot sigbare verandering, deurbrake en die stel van ŉ nuwe status quo. Hierdie span bestaan uit ŉ nie-uitvoerende direksie, diensverskaffers en voltydse personeel.